好書推介（十二）
2030: How Today's Biggest Trends Will Collide and Reshape the Future of Everything
by Mauro F. Guillén
唔少人可能好似我咁，經常覺得90年代只不過係「十幾年前」，但實情係， 2030年只不過係九年之後嘅事。係呀，九年咋！
大家有冇諗過， 2030年嘅世界會係點樣嘅呢？「透視未來」呢樣嘢每年都有人講，但真正唔會「成為現實」嘅例子唔算多。
可能係因為數據唔夠，又或者好多只係人嘅wishful thinking。「未來」嘅可能性太多，算命佬都未必話到俾你知10年後會發生咩事。不過，我哋可以了解一下嚟緊10年嘅大趨勢會係向邊一個方向發展。
呢本2030由美國頂尖商學院Wharton School of the University of Pennsylvania 嘅一位教授撰寫。入面提到未來幾年嘅大趨勢值得令人深思，包括世界上超過一半嘅財富將會有女性掌管、六成人口會喺城市居住、世界上最大嘅「中產」市場將會由歐美轉移到中國、美國「中產階層」總人口會比現時少等等。
不過我覺得本書入邊最重要嘅，並唔係以上提及嘅「趨勢」，而係學會如何準備自己，迎接未來嘅不可測。當中提到 lateral thinking 同 options thinking 非常重要。不論你認唔認同佢所講嘅「趨勢」，毋庸置疑嘅係，思想影響行動，學會如何思考就可以更容易地作出適當嘅決定同埋行動。
#移民 #荷蘭 #西歐 #出國 #留學 #歐洲讀書 #歐洲工作 #歐洲生活 #閱讀 #好書 #好書推介 #睇書 #長知識 #國際關係 #讀書 #進修 #成長 #人生 #開卷有益 #未來
Search